Y Cardotyn

Nodwyd gan lolo Morganwg.

Hen gardotyn wyf a thlawd
Heb dad na mam, heb chwaer na brawd,
Eto mi ganaf “Di li dwd
Heb gywilyddio cario cwd”

Cario cwd ar hyd y wlad,
Gofyn rhodd a’i chael yn rhad;
A gorau swydd nid oes ei swd
Yw’n ddigyffro cario cwd.

Duw’n fy rhan, `sraid gofyn gwell,
Mae’n aur mewn cod, mae’n flawd mewn cell;
Mae’n wisg, mae’n wasgod poeth a brwd,
Dyna sydd o gario cwd.