Tra Bo Dau

Mae’r hon a gâr fy nghalon i
Ymhell oddi yma’n byw,
A hiraeth am ei gweled hi
A’m gwnaeth yn llwyd fy lliw.

Cytgan:
Cyfoeth nid yw ond oferedd,
Glendid, nid yw yn parhau,
Ond cariad pur sydd fel y dur
Yn para tra bo dau.

Mil harddach yw y deg ei llun
Na gwrid y wawr i mi,
A thrysor mwy yw serch fy mun,
Na chyfoeth byd a’i fri.

O’r dewis hardd ddewisais i
Oedd dewis lodes lân
A chyn bydd `difar gennyf fi
O rhewi wnaiff y tân.

Os claf o serch yw `nghalon i,
Gobeithio’i bod hi’n iach!
Rwy’n caru’r tir lle cerddo hi
Dan wraidd fy nghalon fach.

Tra Bo Dau

Un o ganeuon serch mwyaf poblogaidd Cymru. Casgliwyd yng Nghricieth.

 

Mae nodiant y gân hon a llawer mwy ar gael yn y llyfr
Caneuon Traddodiadol y Cymry

Dyma ddau drefniant y gân, gan Lowri Evans a Sorela

0 Comments

Cyflwyno Sylwadau

Ni fydd eich cyfeiriad e-bost yn cael ei gyhoeddi. Mae'r meysydd gofynnol yn cael eu marcio *